Татарстанда территорияләрне санитар чистарту даталары расланды
Татарстанда 1 апрельдән 31 майга кадәр республика территориясен чистартуга юнәлдерелгән санитар-экологик икеайлык узачак.
Тиешле боерыкка Татарстан премьер-министры Алексей Песошин кул куйган.
Документ нигезендә, 19 мартка кадәр республика экология министрлыгына башкарма комитетлар җитәкчеләре санитар чистарту, каты көнкүреш һәм биологик калдыклар полигоннарын карап тоту буенча расланган планнарны җибәрергә тиеш. Шулай ук Татарстан шәһәрләрендә әлеге чорда терлекчелек комплексларының рөхсәтсез калдыклар ташлау урыннары бетерелергә һәм, кирәк булганда, яшьләрнең иҗтимагый оешмалары эшкә җәлеп ителергә тиеш.
Моннан тыш, хакимият табигатьне саклау законнары таләпләренең үтәлешенә контрольне һәм күзәтчелекне көчәйтергә, гражданнарның мөрәҗәгатьләрен вакытында карарга тиеш. Тагын транспорт министрлыгы бу чорда атна саен чәршәмбе көнне 12:00 гә кадәр экология министрлыгына икеайлык кысаларында башкарылган эшләр турында хисап җибәрергә мәҗбүр иттеләр.
Билгеле булганча, «Яшәү өчен инфраструктура» илкүләм проекты гамәлгә ашырыла.